Në kuadër të festës së pavarësisë së Shteteve të Bashkuara të Amerikës, ambasada amerikane në Tiranë ka publikuar edhe festimet e bëra me këtë rast në Shqipëri.
Me interpretimet e jashtëzakonshme të Eugent Bushpepës dhe grupit të tij, Kamela Islamajt, Anxhela Peristerit dhe bandës së qytetit, është festuar 4 korriku nga ana e ambasadës amerikane në vendin tonë.
“Shijoni festimin e Ambasadës së Shteteve të Bashkuara për Ditën e Pavarësisë, me interpretimet e jashtëzakonshme të Eugent Bushpepës dhe grupit të tij, Kamela Islamajt, Anxhela Peristerit dhe Bandës së Qytetit. Gëzuar 4 korrikun”, shkruan ambasada amerikane në Tiranë.
Postimi është shoqëruar edhe me video ku shihen festimet e kësaj dite.
