Vdekja e Enea Ftojit, Prokuroria ngre akuzë për tre policë: Nuk i dhanë ndihmë

Shqipëria

Vdekja e Enea Ftojit, Prokuroria ngre akuzë për tre policë: Nuk i dhanë ndihmë

Më: 21 qershor 2018 Në ora: 09:28
Enea Ftoj, 27-vjeçari që humbi jetën në komisariatin e policisë Korçë

Prokuroria e Korçës ka ngritur akuzë për tre efektivët të komisiariatit të policisë, për mosdhënie ndihme ndaj 27-vjeçarit Enea Ftoj, që ndërroi jetë në ambientet e paraburgimit. Burime nga prokuroria bëjnë me dije se edhe pas konkluzioneve të ekspertizës mjeko ligjore, hetimet po vijojne. Fakti, që 27-vjeçari nuk ka vdekur nga dhuna, nuk do të thotë, që policia nuk ka përgjegjësi penale për vdekjen e tij.

Ka prova, që efektivët e policisë, nuk i kanë dhënë ndihmë Enea Ftojit, edhe pse ai kishte shfaqur probleme shëndetësore gjatë dy ditëve të qëndrimit në ambientet e Komisariatit. Policia ka shkelur rregulloren e trajtimit të të shoqëruarve dhe nuk ka kryer kontrolle periodike në qelinë e 27-vjeçarit.

Prokuroria po vlerëson të gjitha provat dhe dëshmitë e grumbulluara dhe pritet të vërë nën akuzë, të paktën tre efektivë të Komisariatit të Korçës.

commentFirst article
Sot mund të lexoni Shfletoni kopertinat