Negociatat për detin, Meta: Pres informacione të plota - Bota Sot
Negociatat për detin, Meta: Pres informacione të plota

Shqipëria

E enjte, 21 qershor 2018

Negociatat për detin, Meta: Pres informacione të plota

Më: 14 qershor 2018 Në ora: 12:01
Ilir Meta

Kreu i shtetit Ilir Meta foli mbi takimin e një dite më parë me kryeministrin Edi Rama ku tha se u fol për ecurinë e negociatave me Greqinë dhe u shpreh se pret informacione më të plota.

“Dëshiroj të theksoj rëndësinë e zgjidhjes së kësaj çështje, sepse është shumë e rëndësishme për të dyja vendet, jo vetëm si tejkalimi i një problemi të mbartur, por dhe si çelje e mundësisë dhe perspektivës për menaxhimin dhe shfrytëzimin e këtyre të mirave detare. Kështu që, të gjitha vendimet e institucionit të presidentit do të jenë në përputhje me Kushtetutën. Rama nuk ka informuar për ecurinë e negociatave sepse nuk është përgjegjës i drejt për drejtë apo negociator i drejt për drejtë në këtë çështje. Thjesht kemi bërë vlerësim të situatës së deritanishme dhe të perspektivës për të ecur drejt mundësisë së finalizimit të një marrëveshje sa më shpejt të jetë e mundur, gjithmonë në respekt të Kushtetutës së Shqipërisë dhe vendimeve të Gjykatës Kushtetuese. Çështja e komunikimit deri tani ka qenë përsa i përket informacioneve të MEPJ pasi ajo ka qenë përgjegjëse”, tha Meta.

I pyetur për komentet e deputetit demokrat Sali Berisha Meta tha se e rëndësishme është që çështja të zgjidhet në mënyrë transparente. “Nuk dëshiroj të bëhem pjesë e komenteve dhe debateve, është e rëndësishme që në këtë çështje të ecim në mënyrën më transparente, më të përgjegjshme pasi është çështje në interes publik, kombëtar por dhe një çështje që ka kontributin e vet në gjithë rolin dhe angazhimin e Shqipërisë si një vend që punon për fqinjësi të mirë stabilitet dhe bashkëpunim rajonal. Ne jemi jo vetëm në bashkëpunim apo dialog të vazhdueshëm po dhe në një marrëdhënie tepër korrekte dhe të qartë e formale përsa i takon ndjekjes së gjithë angazhimeve të deritanishme”, vijoi Meta.

I pyetur për Gjykatën Kushtetuese, Meta tha se është e domosdoshme të kemi sa më shpejt një Gjykatë Kushtetuese funksionale dhe të përgjegjshme për ti dalë për zot Kushtetutës së vendit dhe gjithë debateve për kushtetutshmërinë e ligjeve. “Nënvizoj dhe njëherë pas mjaft kohësh kërkesën që dhe KED të funksionojë sa më shpejt, për të vlerësuar kandidaturat që janë paraqitur në përputhje dhe me procedurat kushtetuese dhe ligjore”, vijoi ai.

Komentet
comments powered by Disqus
Sot mund të lexoni Shfletoni kopertinat
Sondazh
test