E ëma ende nuk e di vdekjen e të birit, dëshmitari: Kur e nxorra nga pishina ishte tepër vonë

Shqipëria

E ëma ende nuk e di vdekjen e të birit, dëshmitari: Kur e nxorra nga pishina ishte tepër vonë

Më: 23 maj 2018 Në ora: 13:36
Idai Zaka

Këtë të mërkurë një fëmijë rreth 8 vjeçar ka humbur jetën në mënyrë tragjike, teksa po lahej në pishinën e një hoteli në Golem në Kavajës.

Njëri ndër punonjësit e hotelit ka folur në lidhje me ngjarjen, pasi ka qenë ai i cili ka nxjerrë nga uji të miturin i cili fatkeqësisht nuk mundi të shpëtohej.

Në një prononcim për News24, punonjësi Idai Zaka tha se fëmija kishte ardhur në hotel së bashku me gjyshen e tij, pasi kjo e fundit ishte punësuar në godinë.

 “Atë e kishte marrë gjyshja e vet, e cila ishte punësuar këtu për t’u bërë gati me punimet për sezonin veror. Ajo e ka lënë fëmijën në katin e parë dhe është ngjitur lart në katin e dytë. Më pas ajo nuk po e gjente. Ne shkuam tek pishina dhe e gjetëm brenda në pishinë. Kur e nxorëm nga uji u munduam ti japim ndihmën e parë, por ai nuk kishte shenja jete”- ka thënë punonjësi i hoteli.

Ndërkohë mësohet se nëna e të miturit nuk e ka marrë vesh ende lajmin e kobshëm për djalin e saj të vetëm. Trupi i të miturit është dërguar për ekspertizë mjeko-ligjore në spitalin e Durrësit.

Sot mund të lexoni Shfletoni kopertinat