Ish-presidenti Bamir Topi ka zgjedhur të flasë me “letra të hapura” gjatë mbrëmjes së sotme sa i takon audio-përgjimit, teksa ka qenë i ftuar në emisionin “Studio e Hapur”.
Ai tha se edhe brenda Partisë Socialiste ka xhelozi e stërkëmbësha, ndaj Xhafaj duhej të tregohej mjaft i kujdesshëm.
A duhet të kishte dhënë dorëheqjen ministri Fatmir Xhafaj?
“Unë kam një qëndrim tjetër, z. Xhafaj e njoh prej vitesh, se ka qenë pjesë e Parlamentit, pavarësisht se s’bën pjesë në formatin e politikanit.
Vjen nga periudha komuniste, problemi s’është te z. Xhafaj, është te kryeministri, se z. Xhafaj kishte të gjithë delegimin politik që PS i kishte dhënë për të drejtuar një tavolinë shumë të rëndësishme, siç ishte Reforma në Drejtësi, për të cilën i njihen meritat.