Nga Rinasi kryeministri Edi Rama iu përgjigj interesit të medias në lidhje me rastin “Xhafaj”.
I pyetur nëse edhe në këtë rast ai do të veprojë njësoj si me Elvis Roshin apo Saimir Tahirin, për të cilët fillimisht dha garanci më pas i “dorëzoi”, Rama dha këtë përgjigje.
“Së pari lëreni në dorë të shqiptarëve të vendosin nëse duhet të më besojnë mua apo jo. Dhe së dyti unë i kam qëndruar strikt atyre që kam thënë.
Për mua ministri i Brendshëm do vazhdojë të jetë në krye të detyrës, të cilën e bën me përgjegjshmëri dhe me rezultate.
Se çfarë kërkon opozita nga ministri i Brendshëm ajo është punë e tyre”, tha Rama
