Dita e enjte do të jetë me mot të kthjellët dhe me vranësira kalimtare.
Sipas sinoptikanëve të Shërbimit Metrologjik Ushtarak, e enjtja sjell edhe temperature më të larta se ditët që lamë pas.
Temperaturat pritet të shkojnë nga 10 gradë në vlerat e tyre minimale, në zonat malore deri në 26 gradë në vlerat e tyre maksimale, në zonat bregdetare.
Sinoptikanët thonë se kjo javë do të mbyllet me mot të paqëndrueshëm, pasi reshjet e shiut do të vijojnë të jenë të pranishme në ditët në vijim.