Partia Agrare Ambientaliste zhvilloi takime me simpatizantët e saj në Lushnjë, në kuadër të turit për përgatitjen e zgjedhjeve të ardhshme lokale.
Kryetari Agron Duka kërkoi nga të pranishmit që të mbrojnë kauzën e fermerit dhe bujkut, pasi prosperiteti i tyre do të thotë ekonomi e fortë dhe zhvillim i vendit.
Të pranishmit vunë theksin në mungesën e investimeve në bujqësinë shqiptare dhe rrënimin e saj nga konkurrenca e fermerëve të vendeve fqinje, që subvencionohen nga shteti.
Në rrethin e Lushnjës janë të regjistruar 33 mijë fermerë. Nga këta, aplikuan për të përfituar nga skemat e subvencioneve të qeverisë vetëm 579, ndërsa fitues u shpallën 400.
