Gjykata e Elbasanit ka dhënë ditën e sotme masat e sigurisë për të arrestuarit për korrupsion në Universitetin e këtij qytetin.
Arrest me burg është dhënë për Albert Riska, 55 vjeç, dekan i Fakultetit të Shkencave Humane në Universitetin “Aleksandër Xhuvani”; arrest me burg me afat për 60 ditë për Elvira Lumi, 54 vjeç, shefe e Departamentit të Gazetarisë në Fakultetin e Shkencave Humane, si dhe për sekserin Petrit Kodrën dhe sekserin Marjus Cala.
Ndërsa për të ndaluarit e tjerë për korrupsion është dhënë masa arrest shtëpie Erjola Calja, 29 vjeç, pedagoge e jashtme në Fakultetin Ekonomik; sekser; Admirim Kala, 31 vjeç, sekser; Adem Ngjela, 51 vjeç, sekser dhe Marius Calja, 21 vjeç, student.
