Nuk justifikon pasurinë, gjyqtari i Kushtetueses: M'i kanë hedhur në dasëm

Shqipëria

Nuk justifikon pasurinë, gjyqtari i Kushtetueses: M'i kanë hedhur në dasëm

Më: 7 maj 2018 Në ora: 12:35
Pamje nga seanca

Anëtari i Gjykatës Kushtetues, Fatmir Hoxha ka dalë ditën e sotme para trupës gjykuese të Vetting-ut, lidhur me pasurinë e tij.

Komisioni i Pavarur i Kualifikimit pretendon se gjyqtari në fjalë nuk justifikon një apartament që ka blerë në Tiranë me vlerë 140 mijë euro.

Edhe pse nuk ishte vetë i pranishëm në seancën dëgjimore, avokati i Hoxhës është shprehur se shtëpinë e ka bërë me lekë borxh si dhe me lekët që atij ia kanë hedhur në dasmë, kur është martuar.

Mësohet se anëtari i Gjykatës Kushtetuese, ka vënë në dispozicion videot e dasmës, pro kjo provë nuk është marrë parasysh nga trupa gjykuese i Vetting-ut.

 “Pretendohet nga KPK për një shumë që nuk justifikohet, por Hoxha ka kërkuar të administrohet kaseta e dasmës, bëhet fjalë për një shumë normale lënë nga të afërmit e tij. Shuma është plotësisht e justifikueshme, zoti Hoxha nga 2011 është emëruar anëtar i Kushtetueses dhe është transferuar nga Shkodra, ka shitur banesën me orendi dhe shuma i përket orendive, dhe vetë shtëpisë”- tha ai.

Po borxhi i marrë nga miku i tij?

Është ende një borxh që po shlyhet së bashku me një kredi që ka marrë nga shteti.

Kredia si është marrë?

Sipas VKM si një nga funksionarët e lartë dhe ishte i pastrehë dhe është marrë për të blerë banesën, kredidhënësi.

Po borxhi ndaj kunatit?

Borxhi ndaj kunatit është marrë po për apartamentin dhe është shlyer.

commentFirst article
Sot mund të lexoni Shfletoni kopertinat