Ekspertët e Ministrisë së Financave janë drej përfundimit të draftit për ish të përndjekurit politik, i cili parashikon ndryshimin e ligjit dhe heqjen nga skema e përfituesve të nipërve dhe mbesave. E paralajmëruar nga Ministri i Financave, ekspertët po përgatisin ndryshimet ligjore që do të ndryshojnë ligjin për ish të përndjekurit politik.
Kjo do të thotë se në radhën e trashgimtarëve do të mund të përfitojnë vetëm fëmijët e ish të dënuarve dhe jo më nipërit dhe mbesat. Llogaritet që të ketë një numër të lartë personash që do përjashtohen nga skema e përfituesve për ish të përndjekurit politik.
Ndryshimet
Këto ndryshime po realizohen pasi rrezikohet që dëmshpërblimi i ish të përndjekurve të zgjasë për një kohë të gjatë. Kjo pasi sot trashgimtarët kanë marrë dy këste dëmshpërblimi (një pjesë e tyre) dhe me këtë ritëm dëmshpërblimi pritet të zgjasë më shumë se 40 vite. Një tjetër ndryshim i ligjit të ri do të jetë edhe shpërnarja e kësteve në një kohë më të shkurtër
Llogaritë bankare
Duke qënë se shumë trashgimtarë kanë ikur jashtë shtetit, ose nuk dorëzojnë dokumentet e kërkuara, atëherë do përjashtohen nga skema nëse shkelin afatin. Ky ndryshim bëhet që dëmshpërblimi të mos zvarritet dhe të marrin këstet ata që dorëzojnë dokumentet dhe numrin e llgarisë bankare në kohë. Shumë prej llogarive bankare të trashgimtarëve janë të bllokuara nga bankat sot. Ligji sot parashikon se:
“Në bazë të buxhetit vjetor të vënë në dispozicion, fondi i dëmshpërblimit për të ish-të dënuarit politikë nga regjimi komunist do të ndahet në mënyrë proporcionale, në një raport prej 70 për qind për të gjitha kategorinë e subjekteve përfituese parësore, të përcaktuara në paragrafin e dytë të këtij neni dhe 30 për qind për trashëgimtarët e ish-të dënuarve, që nuk bëjnë pjesë në këtë kategori, me kusht që kësti i dëmshpërblimit të mos jetë më i vogël se 100 000 lekë dhe jo më i madh se 1 000 000.
Me shlyerjen përfundimtare të dëmshpërblimit të subjekteve përfituese parësore, të përcaktuara sipas këtij neni, i gjithë buxheti vjetor kalon për dëmshpërblimin e trashë-gimtarëve të ish-të dënuarve politikë”
