Kreu i Partisë Demokratike Lulzim Basha pas një takimi që ka zhvilluar me kryeartin e Komunës së Mitrovicës, deklaroi edhe një herë se është kundër çdo tarife në Rrugën e Kombit.
Basha tha se nuk duhet të ketë asnjë pengesë në komunikim mes Shqipërisë dhe Kosovës. Po ashtu kreu i PD u pyet në lidhje me procedimin penal që ka filluar ndaj tij dhe dha këtë përgjigje.
“Është një veprim qesharak i hetuesisë politike Rama-Marku, i cili ekspozon për fat të keq atë që kemi paralajmëruar prej kohësh dhe tani Edi Rama ka futur në dorë edhe drejtësinë.
Kjo është faza e fundit e autokracisë, ku grumbullohen të gjitha pushtetet. Unë e kam për nder që të procedohem penalisht bashkë me qytetarët që janë ngritur në një protestë legjitime, për të mbrojtur 11kuksianët e arrestuar padrejtësisht. Mbahen aty sepse janë ngritur kundër një faji të pranuar të Edi Ramës për vendosjen e traut dhe tarifës në Rrugën e kombit.
Beteja do të vazhdojë dhe askush prej nesh nuk trembet nga ky vendim qesharak të hetuesisë politike Rama-Marku.
Ndaj i bëj thirrje qytetarëve të vazhdojmë rrugën që kemi nisur. Nuk na arrestojnë do të gjithëve.”, përfundoi Basha.