Opozita është mbledhur dhe në tryezën e diskutimeve dhe burimet thonë se është përjashtuar bojkoti i Kuvendit dhe po shqyrtohet mundësia e organizimit të protestave mbarëpopullore kundër Qeverisë.
Protestat do të thërriten, sipas opozitës, kundër taksave, kundër grabitjes së shqiptarëve, kundër sundimit nga krimi.
“Vendi qeveriset nga një bandë që grabit, vjedh, plaçkit shqiptarët. Kukësi e tregoi më qartë këtë. Thirrje pa kompleks për mosbindje civile.
Të bllokojmë rruget, thirrje që të mos paguajnë taksat e rritura, taksa e pronës, e Rrugës së Kombit, e ujit, e dritave”,- thotë Lulzim Basha.
Megjithatë, sipas Partisë Demokratike, zgjidhja nuk vjen vetëm nga kërkesat ekonomike, do të kërkohet edhe zgjidhje politike.
“Këta po veprojnë si në diktaturë. Ne nuk bëhemi më pjesë e këtij teatri. Stabiliteti i krimit në Shqipëri nuk pranohet. Vetëm demokraci”,- mësohet të ketë deklaruar Lulzim Basha.
Në kryesi u vendos për mosbindje civile përshkallëzom protestash dhe paraqitje e një oferte të re për qytetarët.
Në selinë e PD-së ka shkuar edhe kryetarja e LSI-së, Monika Kryemadhi.
