Briseida Shehaj, ish-drejtoresha e Përgjithshme e Tatimeve, në mandatin e parë të Edi Ramës si Kryeministër, ka marrë një tjetër detyrë të rëndësishme, pas një periudhë pushimi.
Shehaj do të drejtojë Task-Forcën për Bregdetin.
Posti i ri i Shehaj u publikua gjatë një deklarate të kreut të ALUIZNIT, Artan Lame, ku ky i fundit përmblodhi problematikat në institucionet e ZQRPP mbi çështjen e regjistrimeve të tokave bujqësore.
Pas rreshtimit të të gjitha anomalive mbi këtë çështje, vihet re se të gjitha materialet e shkeljeve do t’i kalojnë Task Force, e cila drejtohet nga Briseida Shehaj.
