Ministri i Jashtëm i Greqisë Nikos Kotzias do të vizitojë ditën e enjte Tiranën. Mësohet se Kotzias do të zhvillojë një takim me ministrin e Jashtëm Ditmri Bushati në kuadër të marrëveshjes së detit me Greqinë.
Lajmi për vizitën kryediplomatit grek konfirmohet nga Ministria për Evropën dhe Punët e Jashtme.
Marrëveshja e detit me Greqinë shkaktoi një “furtunë” debatesh mes opozitës dhe mazhorancës. Pas dy refuzimeve të njëpasnjëshme, Presidenti Ilir Meta në 19 mars i dha autorizimin Ministrit të Jashtëm, Ditmir Bushati që të lëshojë plotfuqinë për grupin negociator për ndarjen e kufirit detar me Greqinë.
