Presidenti i Republikës Ilir Meta ka shprehur kënaqësinë që ka takuar në Tiranë, një mik të vjetër danez.
"Të dashur miq, - tregon presidenti në FB, - ishte kënaqësi e veçantë të takoja në Tiranë sërish një mik të vjetër dhe shumë të çmuar, Henrik Sass Larsen, kryetar i opozitës parlamentare daneze, një mbështetës i jashtëzakonshëm i Shqipërisë në Danimarkë dhe Evropë prej 26 vjetësh kur drejtonte rininë socialdemokrate daneze.
Me Henrikun dhe dy drejtuesit e tjerë të grupit parlamentar socialdemokrat Dan Jorgensen (ish-ministër i Bujqësisë dhe Peshkimit) dhe Nicolai Wammen (ish-ministër për Europën dhe ish-ministër i Mbrojtjes) biseduam për forcimin e perspektivës europiane të Shqipërisë e Ballkanit por edhe për të rritur bashkëpunimin e gjithanshëm midis dy vendeve tona.
