Greva e sotme e minatorëve ka agravuar në konfrontim me forcat e policisë.
Një grup minatorësh që po protestonin para godinës së kryeministrisë tentuan të futen në ambientet e brendshme të saj, për shkak se kërkonin një takim me Edi Ramën.
Pasi pritën për rreth 30 minuta për një përgjigje nga Rama, ata tentuan të futen në ambientet e brendshme të kryeministrisë, por u ndaluan nga forcat e policisë.
Sipas tyre tashmë ka përfunduar afati kohor që i dhanë Ramës për miratimin e statusit të minatorit.
Minatorët kishin marrë informacion që Rama ndodhej në kryeministri pasi ishte në mbledhje qeverie.