Një aksident i rëndë ka ndodhur mbrëmjen e sotme në fshatin Lusan të Kukësit.
Mësohet se drejtuesi i një motori ka humbur kontrollin e mjetit duke dalë nga rruga.
Për pasojë humbi jetën shtetasi Ndriçim Cara 25 vjeç, drejtuesi i motorit, si dhe u plagos rëndë vëllai i tij.
Demir Cara, 36 vjeç, po transportohet me urgjencë drejt Tiranës ku pritet të marrë ndihmë mjekësore.
Ndërkaq, drejt vendit të ngjarjes janë nisur forcat e policisë që pritet të hetojnë për zbardhjen e plotë të rrethanave.