Deputetja e PD, Albana Vokshi, ka ironizuar xhestin e fundit të kreut të qeverisë ose mënyrën e zgjedhur prej Ramës për të rrëzuar akuzat e opozitës: punësimin e menjëhershëm të të papunëve, një ditë pas takimit të tyre me Bashën.
"Më në fund, - shkruan Vokshi në Fb, - ka një mundësi punësimi për shqiptarët e papunë: të dalin para kamerave me Lulzim Bashën dhe të nesërmen Edi Rama ju gjen punë, me qëllim që të bëjë propagandë
Është kulmi i cinizmit të një kryeministri që edhe pasi e ka lënë Shqipërinë të mjeruar ekonomikisht, nuk mendon për investime, por vetëm e vetëm për të mashtruar e gënjyer me propagandën e tij arrogante.
Pas kësaj propagande janë milionat që Rama ju jep klientëve të tij të koncesioneve të shëndetësisë, incineratorëve dhe rrugëve të cilët i paguan pa puanur, ndërkohë që shqiptarët duan të punojnë për të mbajtur frymën gjallë dhe nuk gjejnë dot punë."
