Një herë e një kohë, kryeministri Edi Rama ishte i lidhur dhe i dashuruar me një vajzë gjermane.
Vajza, identiteti i të cilës nuk dihet, përshkruhet si një vajzë yll e bukur me sy bojëqelli.
Por çfarë ndodhi mes tyre, pse përfundoi dashuria?
Artur Zheji, një ish-mik i ngushtë i kryeministrit ka rrëfyer për herë të parë për dështimin e lidhjes së Ramës me gjermanen.
"Një yll e bukur, një gjermane brune me sy bojëqielli. Gjermania u nda se mendonte që ishte e dashuruar me Ramën artist jo Ramën politikan..."- tha ndër të tjera Artur Zheji.
Deklarata e plotë e Zhejit në "Mos i fol shoferit:
U bëmë dy tipa të ndryshëm. Ne kemi bërë një bisedë vendimtare që ndau rrugët tona. Ka qenë viti ’97.
Në 1997, Fatos Nano që më vonë u bë miku im më i shtrenjtë dhe u bë kryeministër, e ftoi për tu bërë ministër dhe ai ftoi dy miq për tu këshilluar për të ardhmen e tij në Shqipëri.
Sa kishte ardhur nga Parisi, njëri isha unë, tjetri ishte Spartak Ngjela që sot nuk le kusur, i thotë mendjefyell. Donte një këshillim, ishte akoma Rama që unë kam njohur, që e kam patur vëllaçko.
Ngjela i tha je në rrugën e duhur, kjo është e ardhmja jote, ti i ke të gjitha provokativat për tu bërë njishi.
Parashikimi i Ngjelës doli i saktë. Kurse unë i thashë ti je artist i madh për mua dhe do humbasësh artin për politikën. Në atë kohë Rama ka patur një mikeshë gjermane, një yll e bukur, një gjermane brune me sy bojëqielli.
Gjermania u nda se mendonte që ishte e dashuruar me Ramën artist jo Ramënpolitikan.
Gjermania erdhi më vonë, ajo erdhi kur ai kandidoi për kryetar bashkie dhe i tha që deri këtu mbaj.
Më pas filluan sherret politike mes tij dhe Nanos. Shokë i kisha prapë. Mbetëm deri në një farë kohe miq në një truall shumë konfliktual.
