Cila është makina më e preferuar e deputeteve shqiptarë, Monika Kryemadhi bën diferencën

Kur vjen puna te luksi i makinave me të cilën udhëtojnë, politikanët shqiptarë janë të parët. Makinat e tyre kushtojnë mijëra euro, ku gjatë ditëve të seancave parlamentare, hapësira para Kuvendit kthehet në një paradë.

Mercedes S-Class Saloon është një nga makinat më të pëlqyera të politikanëve tanë. Ndaj këtë fundjavë vendosëm t’ju tregojmë automjetet që përdorin të zgjedhurit nga populli dhe sa është çmimi i tyre. Kështu automjeti i kryeministrit Edi Rama, pak a shumë kushton 90 mijë $.

Po Mercedes S Class Saloon, por tip më i vjetër përdor edhe kreu i PD-së, Lulzim Basha. Vlera e tij shkon deri në 70 mijë $.

Të njëjtën zgjedhje kanë bërë edhe Presidenti Ilir Meta (edhe gjatë kohës kur ishte Kryetar Kuvendi) si dhe ish-kryeministri Sali Berisha.

E vetmja që bën përjashtim është kryetarja e LSI, Monika Kryemadhi e cila zgjedh të udhëtojë me një automjet tip Range Rover.