Disa gurë masivë qëndrojnë mbi lagjen Shehër në Lezhë, si një kërcënim serioz për shtëpitë dhe kalimtarët në rrugën poshtë Kodrës së Kalasë. Banorët e zonës thonë se janë të rrezikuar, ndaj kërkojnë ndërhyrje. Ndërsa Bashkia e Lezhës e njeh problematikën, por do ti drejtohet forcave Xhenio për Ndërhyrje, pasi vetë nuk ka kapacitete
Banor: Kur kalojmë këtu i hedhim sytë nga këta gurë e shohim a kanë lëvizur apo jo.
Këta gurë masivë në Kodrën e Kalasë së Lezhës, janë shndërruar në rrezik serioz për banorët e lagjes Shehër.
Masivi është shkëputur prej majës së kodrës dhe tashmë pjesë të tij qëndrojnë buzë rrugës, duke kërcënuar për tragjedi të ngjashme si ajo e Torovicës, ku humbën jetën dy vëllezër dhe nusja shtatzanë e njërit prej tyre.
Banorët e zonës, thonë se ndihen të rrezikuar, ndaj kërkojnë ndërhyrje.
Banor: Kalojnë njerëzit në moment, ato shkëputen dhe shpejtësia e tyre mund të godasin njerëz.
Problematika është e njohur edhe për Bashkinë Lezhë, por kapacitetet e ndërhyrjes mungojnë.
Ndaj Pëgjegjësi i Emergjencave Civile, Zaim Keçi, thotë se do të kërkohet mbështetja e Forcave Xhenierë
Zaim Keçi, Pergjegjes i Emergjencave Civile Bashkia Lezhe: Ne do ti kërkojmë ministrisë së Mbrojtjes, prefekturës ndërhyrje me forca speciale dhe xheniere. I bëj thirrje edhe kryeministrit Rama, edhe drejtorit të Emergjencave Civile.
Pas tragjedisë së Torovicës, Bashkia e Lezhës, paralajmëroi ndërhyrje në të gjitha zonat me problematikë të ngjashme, por sic duket rreziku i shkëmbijve nuk ka marrë ende zgjidhje.