Konferenca e Kryetarëve vendosi sot që mocioni i opozitës për debat me Ramën të bëhet më 15 mars.
Shkak është bërë axhenda e ngarkuar e kreut të qeverisë në javët në vijim.
Kujtojmë që PD, kërkoi mocion me debat me Edi Ramën për heqjen e ndihmës ekonomike për 20 mijë familje në nevojë.
“Mijëra familje shqiptare janë hequr nga ndihma ekonomike. Përjashtimi është kriminal. Jemi vendi i vetëm në Europë që ka çuar drejt emigracionit me vullnetin e Ramës kryeministër mijëra shqiptarë. Rama po përdor metoda naziste, spastrimi ndaj shqiptarëve. Një prej tyre është heqja nga skema e ndihmës ekonomike”, deklaroi më herët Lulzim Basha.
