Drejtori i Përgjithshëm i Emergjencave Shemsi Prençi ishte sot në lagjen "Kodra e Shtufit" në Gjirokastër, aty ku inspektoi nga afër gjendjen në pallatin 8 katësh.
Ai u shpreh se situata në katet e poshtme është e pabanueshme
"Do të bëjmë studimin e të gjitha zonave dhe do t’i japim zgjidhje problemeve.
Banorët në asnjë mënyrë nuk duhet të ndërhyjnë vetë për të hequr baltën pasi toka është e pa qendrueshme".
Gjeologët thonë se pallati prej tetë katesh është i banueshëm, por banorët i frikësohen përsëritjes së të njëjtës situatë.
Në të jetojnë 20 familje të cilat presin një reagim nga shteti.
