Nën kryesimin e Presidentit të Partisë Popullore Europiane, Joseph Daul zhvillohet sot në Bruksel, Asambleja Politike e Partisë Popullore Europiane.
Në këtë Asamble marrin pjesë përfaqësues të partive të djathta europiane, të qeverive të vendeve europiane dhe të institucioneve të Bashkimit Europian.
I pranishëm në këtë takim të rëndësishëm do të jetë edhe kryetari i Partisë Demokratike, Lulzim Basha.
Kreu i opozitës do të marrë pjesë në aktivitetin e Asamblesë Politike dhe sipas selisë blu, do të ketë takime me përfaqësues të lartë të politikës evropiane.
Basha pritet të diskutojë me ta zhvillimet politike në Shqipëri dhe sfidat e saj në procesin e integrimit në Bashkimin Europian.
