Apeli i Krimeve të Rënda ka ndryshuar masën e sigurisë për biznesmenin Orest Sota, nga “Arrest me burg” në “detyrim paraqitje”.
Seanca mësohet se është zhvilluar paraditen e sotme, ku familjarët e Orestit kanë depozituar në gjykatë garancinë prej 5 milionë lekës. Sota do të lirohet nga burgu sapo të bëhet depozitimi i parave.
Orest Sota do të paraqitet në Policinë Gjyqësore, pasi të lirohet.
Ai është arrestuar pak kohë më parë nga Policia e Elbasanit, pasi në makinë iu gjet shuma prej 863 mijë euro të padeklaruara dhe dy patenta të ish-ministrit Saimir Tahiri.