Instituti i Gjeoshkencës, Energjisë, Ujit dhe Mjedisit thotë se do të ulet ndjeshëm rreziku nga përmbytja e lumenjëve në të gjithë territorin.
Nga përllogaritjet e fundit, IGJEUM parashikon që prurjet e lumenjve, do të kthehen në nivele normale për stinën dhe nuk janë të rrezikshme për përmbytje.
“Sot pasdite (e hënë, dt.04) reshjet do të vazhdojnë, por në zona më të kufizuara. Intensiteti i tyre do të jetë i dobët në shumicën e rasteve, por në disa raste ato do të jenë intensive shoqëruar me shtrëngata, kryesisht në qarqet e Veriut dhe të Qendrës (me kohëzgjatje të shkurtër), thotë Instituti i Gjeoshkencës.
Reshjet do të jenë në formë dëbore në zonat malore, kryesisht në veri dhe lindje të vendit. Ndërsa ditën e nesërme nuk priten reshje.
