Pak minuta më parë përmes “komunikimit javor” kryeministri Edi Rama paralajmëroi ngritjen e një strukture të posaçme brenda Policisë së Shtetit, e cila në bashkëpunim me FBI-në dhe të tjera agjenci ndërkombëtare, do të godasë krimin e organizuar.
Por sipas kreut të grupit të LSI-së Petrit Vasili, një deklamim i tillë është vetëm për të qeshur, kur të gjithë e dinë sipas tij se kryeministri i krimit të organizuar nuk mund të luftojë dot veten, pra krimin e organizuar.
Por deputeti i LSI-së i jep një “meritë” Edi Ramës, duke thënë se teksa gënjeu hapur shqiptarët... nuk e kapi e qeshura.
Për më tepër lexoni postimin e Vasili:
Kryeministri i krimit të organizuar do luftojë krimin e organizuar??
Kryeministri na tha se qeveria do miratoka Task Forcë në policinë e shtetit për të luftuar krimin e organizuar.
Kryeministri i krimit të organizuar qeveritar do luftoka krimin e organizuar ha ha ha. Gajasje e madhe shumë.
Megjithatë një meritë duhet t'ja njohim shkollëpakut që gënjen me seriozitet dhe nuk qesh.
Duhet Task Forcë popullore që të largojë kryeministrin që i tha policisë hidhni kapelet bëni vota për rilindjen dhe u përqafua me kriminelët dhe trafikantët.