Vrasja e efektivit në Lazarat, ish-kolegu dëshmon në gjykatë: Si u qëllua Ibrahim Basha

Shqipëria

Vrasja e efektivit në Lazarat, ish-kolegu dëshmon në gjykatë: Si u qëllua Ibrahim Basha

Më: 11 tetor 2017 Në ora: 15:44
Ibrahim Basha

Kolegu i efektivit të vrarë në Lazarat në qershor të vitit 2015, Jetmir Isai ka dëshmuar në gjykatën e Krimeve të Rënda për vrasjen e efektivit Ibrahim Basha. Ish-oficeri i RENEA-s, i cili mbeti i plagosur tha se grupi u nis në Lazarat pas sinjalizimit se kishte tension dhe të shtëna me armë zjarri, ndërsa Ibrahim Basha u qëllua me snajper. Seanca ku dëshmoi Jetmir Isai u zhvillua me dyer të mbyllura.

Prokuroria e Krimeve të Rënda ka paraqitur konkluzionet për të ashtuquajturin “grupin e zjarrit” në Lazarat, ku mbeti i vrarë efektivi i policisë Ibrahim Basha. Prokuroria kërkon tre burgime të përjetshme, përkatësisht për shtetasit Arbion Aliko, Bajram Bocia dhe Elvis Bocia. Në qershor të 2016, Prokurori çoi dosjen për gjykim ndaj 11 të pandehurve, për të ashtuquajturën dosja “Lazarati II”, të gjithë pjesë e një grupi të strukturuar kriminal, lidhur me ngjarjet e qershorit 2015, në të cilën mbeti i vdekur efektivi i Policisë së Shtetit, Ibrahim Basha. Pesë persona akuzohen për vrasjen e punonjësit të policisë, ndërsa të tjerët për armëmbajtje pa leje dhe moskallëzim krimi.

Ndërkohë, gjashtë persona të tjerë akuzohen për armëmbajtje pa leje dhe kundërshtim i forcave të policisë. Nga hetimi i Prokurorisë për Krime të Rënda, atë kohë rezultoi se një grup të rinjsh, nën drejtimin e vëllezërve Arbjon dhe Alban Aliko, kanë planifikuar, organizuar dhe goditur forcat e policisë, të cilat gjendeshin në patrullim në zonën e Lazaratit, në datat 23-24 qershor 2015.

Prokuroria për Krime të Renda kërkon dënimet, si më poshtë:

Arbion Aliko, burgim të përjetshëm.

Alban Aliko, 35 vjet

Bajram Bocia, burgim të përjetshëm

Elvis Bocia, burgim të përjetshëm

Elson Kazma, 35 vjet

Xhulio Malo, 20 vjet (në baze te neni 51 te kodit penal, te

dënohet përfundimisht me 10 vjet)

Klodian Selimi, 10 vjet

Oltian Proko, 18 vjet

Dervish Gaba, 18 vjet

Ruhan Hiraj, 18 vjet

Iliaz Xhaferraj, 18 vjet.

Sot mund të lexoni Shfletoni kopertinat