Pas kërkesës së ish-ministrit të Brendshëm, Saimir Tahiri dhe Emiljano Shullazit, për të dëshmuar në seancën ndaj këtij të fundit, edhe ish-kryeministri Sali Berisha, ka reaguar kryetari i Partisë Demokratike Lulzim Basha.
Sipas tij, fakti që kjo kërkesë është paraqitur njëkohësisht nga Tahiri dhe Shullazi, nuk është rastësi, por “një përpjekje e koordinuar mes dy ortakëve me urdhër të Edi Ramës për të larguar vëmendjen nga krimet”.
“Sajmir Shullazi dhe Emiliano Tahiri në sintoni të plote me njëri tjetrin kërkojnë deshminë e Sali Berishës. Kjo natyrisht nuk është rastësi por një përpjekje e koordinuar mes dy ortakëve me urdhër të Edi Ramës për të larguar vëmendjen nga krimet dhe trafiqet ku janë përfshirë së bashku. T’i kërkosh Edi Ramës të luftojë krimin e organizuar është njësoj si t’i kërkosh të luftojë vetveten”, shprehet kryedemokrati Basha.?
