Akuza e Spartak Ngjelës: Katër demokratë humbën paratë në Qipro…

Shqipëria

Akuza e Spartak Ngjelës: Katër demokratë humbën paratë në Qipro…

Më: 4 tetor 2017 Në ora: 22:48
Spartak Ngjela

Avokati Spartak Ngjela i ftuar në “360 Gradë” nga Artur Zheji në Ora News teksa ka komentuar deklaratat e ambasadorit amerikan Donald Lu ka folur edhe për politikanë të cilët kanë humbur para në Qipro.

Këta të fundit i përkasin partisë Demokratike, sipas Ngjelës dhe për këtë gjë janë në dijeni edhe zyrtarët amerikanë të cilët do ti publikojnë emrat e tyre së shpejti.

Duke folur për këtë çështje, Ngjela iu referua ish-ministrit të Financave, Ridvan Bodes, që sipas tij u la jashtë listës nga kryetari i PD-së, Lulzim Basha, pikërisht sepse ekzistojnë këto të dhëna.

“Katër ke në Qipro që kanë humbur para nga të tutë (i drejtohet deputetit Ervin Salianji). Ka edhe nga këta (socialistët), por katër janë të tutë. Të lutem, mos e zgjat, do të dalin. Do t’i dëgjoni. Do të bëj një pyetje. Po kishte bashkëpunëtorë më të afërt sesa Ministri i Financave me Saliun?  Pse nuk e vendosët si kandidat? Bode, e di ti çfarë është Bode apo jo? Trezorier i Saliut. Si e la trezorierin jashtë ai? Ai bëri mirë që e la jashtë, por e la se janë këto. Tani nuk e di unë se sa janë të implikuar të tjerët”, u shpreh Ngjela.

Ngjela paralajmëroi edhe publikimin nga FBI-ja të llogarive ofshore që kanë politikanët shqiptarë.

Sot mund të lexoni Shfletoni kopertinat