Një ditë më parë në fshatin Grapsh të Bashkisë Dropull në Gjirokastër, është shkrumbuar nga flakët një banesë. Fatmirësisht në shtëpi nuk kishte asnjë njeri, e si pasojë ka patur vetëm dëme materiale.
Lidhur me situatën problematike të krijuar nga zjarret e shumta, drejtori i PMXSH-së në Bashkinë Gjirokastër, Kujtim Bizhga, është shprehur se “tashmë janë evakuuar banorët e zonës”.
“Nga zjarret ka dëme të mëdha në toka bujqësore, kullota dhe pemë. Të rrezikuara janë edhe objektet e kultit”, tha ai për “News 24”.
Bizhga shtoi se flakët kanë përfshirë edhe oborret. Ndërkohë mëngjesin e sotëm janë nisur tre helikopterë drejt vendngjarjes për të vënë nënkontroll flakët.
