Deputetja e Lëvizjes Socialiste për Integrim, Kejdi Mehmetaj ka reaguar në lidhje me situatën e rënduar të zjarreve në vend.
Ajo me anë të një statusi në faqen e saj në “Facebook” i është drejtuar kryeministrit Edi Rama me ironi duke i thënë që në mbledhjen e ardhshme të ftoj zjarret në takim për ti shkarkuar, që në fund ta ketë gati shfajësimin për djegien e vendit.
Statusi plotë
“Sugjerim
Në vazhdën e mbledhjeve urgjente, me pretekst koalicionin me qytetarët, i them kryeministrit të thërrasë menjëherë zjarret në kryeministri. Përfundimi i mbledhjes të jetë: pushim i menjëhershëm nga puna i zjarreve në të gjithë Shqipërinë.
Kështu, në daljen publike të radhës, kryeministri do e ketë gati shfajësimin edhe në qoftë se do të jetë djegur i gjithë vendi”.