Pasditen e sotme, Lëvizja Socialiste për Integrim ka zhvilluar një takim elektoral me qytetarët e Shkodrës. Nga aty, kryetari i LSI-së Petrit Vasili u shpreh se, “forca politike që ai drejton synon të dalë e para në zgjedhjet e 25 qershorit, jo vetëm në Shkodër, por në të gjithë vendin”.
Sipas tij, vendi ka nevojë për një drejtim të ri, që do t’u garantojë qytetarëve mirëqenie dhe punësim.
Gjithashtu Vasili ai u ka përcjellë një mesazh krerëve të dy partive më të mëdha të vendit, Partisë Socialiste dhe Partisë Demokratike që të mos luftojnë për “timonin e qeverisjes”, pasi atë sipas Vasilit do ta marrë LSI.
“Forcë e parë do të thotë drejtim i ri për vendin. Një drejtim që e çon Shqipërinë në mirëqenie dhe e largon nga varfëria. Drejtimi i ri do të thotë për sipërmarrësit më pak taksa, dhe më shumë punësim për të rinjtë. Me LSI në krye u themi të gjithë rilindjeve të PS dhe PD, bëni tutje, pasi drejtimin do ta marrim ne”, tha Vasili.