Pas reagimit të David McAllister, një tjetër urim për marrëveshjen Rama-Basha ka ardhur nga Raportuesi për Shqipërinë në Parlamentin Evropian Knut Fleckenstein.
“Urime! Mirë për Shqipërinë! Marrëveshja për zgjedhjen. I lumtur që unë dhe McAllister mundëm të jepnim kontribut së bashku me miqtë amerikanë”, tha Fleckenstein.
McAllister hodhi themelet e paketës fillestare të negociatave e cila u negociua sërish nga palët duke u kthyer në paketën “McAllister plus”, që ishte edhe paketa për të cilën Rama dhe Basha ranë dakord.