Ka përfunduar takimi i dytë i kreut të Partisë Demokratike, Lulzim Basha dhe ish-kryeministrit Berisha.
Takimi është zhvilluar në zyrën e ish-kryeministrit dhe ka zgjatur rreth 50 minuta.
Para takimit të dytë mes Bashës dhe Berishës, kryedemokrati ka mbledhur në një takim të dytë aleatët e Partisë Demokratike.
Më herët ka qenë kreu i PAA-së, Agron Duka, i cili ka deklaruar se është marrë në shqyrtim paketa “McAllister” dhe ofertat e bëra nga kreu i qeverisë, Edi Rama.
Ndërkohë pritet që në orët e ardhshme opozita të bëjë publik edhe qëndrimin e saj për sa i përket paketës “McAllister”.
