Ka përfunduar takimi i dytë i Lulzim Bashës me aleatët e djathtë, i mbajtur këtë të martë në selinë e Partisë Demokratike të Shqipërisë.
Mësohet se gjatë takimit, Basha ka njohur aleatët me propozimet e zyrtarit amerikan Brian Hoyt Yee për zgjidhjen e krizës politike.
Në përfundim ka qenë kryetari i PAA, Agron Duka që ka deklaruar për mediat se, opozita po shqyrton paketën “McAllister”.
“U mor në shqyrtim paketa McAllister dhe propozimet e bëra nga kryeministri Rama, siç ishte zv/kryeministri etj, e cila kërkon një kohë të domosdoshme implementimi dhe patjetër që të realizohet duhet të ketë një minimum kërkesash, pra një identifikim biometrim dhe numërim elektronik. Unë kam ngulur këmbë dhe besoj u ra dakord që votimi elektronik e ka humbur sensin, pasi ndërkohë është caktuaar një datë zgjedhjesh dhe kërkohet një shtyrje e logjikshme sigurisht, se nuk mund të kërkojmë një vit”, ka deklaruar Duka.
