Presidenti i Shqipërisë Bujar Nishani zhvilloi një vizitë në Arabinë Saudite, me ftesë të Mbretit Selman bin Abdualziz Al-Saud.
Nishani u takua me anëtarë të familjes mbretërore saudite, si dhe vizitoi dy Xhamitë e Shenjta, në Mekë dhe në Medinë, Kujdestar i të cilave është Mbreti Selman.
Kreu i Shtetit shqiptar shprehu mirënjohjen për ndihmën që Arabia Saudite i ka dhënë Shqipërisë e shqiptarëve ndër vite, si dhe duke vlerësuar nivelin shumë të mirë e miqësor të bashkëpunimit mes dy vendeve, theksoi nevojën e intensifikimit të mëtejshëm të bashkëpunimit ekonomik, krahas atij politik.
