Koalicioni PS-LSI dhe PDIU është drejt marrjes së një vendimi përfundimtar, nëse do të vazhdojë apo jo. Për këtë arsye, ditën e sotme pritet të ketë vendime të rëndësishme.
Siç është bërë publike, rreth orës 10:00 të paradites së sotme do të ketë një takim Rama-Meta të shoqëruar edhe nga persona të tjerë.
Por para këtij takimi, Meta ka pasur një tjetër bisedë. Mësohet se kreu i PDIU-së Shpëtim Idrizi ka shkuar në zyrën e kryeparlamentarit ku ka zhvilluar një takim pikërisht për koalicionin dhe vendimin që do të merret.
