Drejtuesja e grupit të ekspertëve të Operacionit Ndërkombëtar të Monitorimit, Genoveva Ruiz Calavera, u është drejtuar me një letër të gjithë atyre që kanë shprehur shqetësim për rolin e këtij misioni.
"Të gjitha vendimet ekzekutive i përkasin institucioneve në Shqipëri” theksohet në letrën që mban datën 27 shkurt 2017.
Letra e drejtueses së ONM-së
Bordi Qeverisës i ONM ka një natyrë tërësisht administrative.
Detyrat e tij mund të krahasohen me ato të një Njësie për Menaxhimin e Projekteve, kanë për qëllim të lehtësojnë punën e përbashkët të Komisionit Europian dhe Qeverise Amerikane.
Të gjitha rekomandimet lidhur me përzgjedhjen aktuale të kandidatëve për formimin e organeve të vettingut dhe të ardhmen e vettingut, do të kryhen nga vëzhgues ndërkombëtarë që janë ose do të emërohen nga ONM.
ONM është një veprimtari jo-ekzekutive, qëllimi i vetëm i të cilës është monitorimi dhe sigurimi i rekomandimeve përgjatë procesit të vettingut. Të gjitha vendimet ekzekutive i përkasin institucioneve të Shqipërisë.
Për të lehtësuar komunikimin dhe për të shmangur ngatërrimet, do t’i referohem vetëm ONM në shkëmbimet e ardhshme zyrtare.