Departamenti Amerikan i Shtetit ka besim të plotë tek ambasada dhe ambasadori amerikan në Shqipëri. Këto janë deklarata zyrtare ekskluzive për Top Channel, i cili iu drejtua Departamentit Amerikan te Shteti pas artikullit të “Huffington Post”, ku Luke Cofey drejtor i politikave të Jashtme në Heritage Fondation, kritikon politikat e SHBA ne Ballkan dhe konkretisht për Shqipërinë, ndërhyrjen e Ambasadorit Donald Lu në politikat e brendshme. Media kontaktoi departamentin Amerikan të Shtetit.
TCH iu drejtuar Departamentit Amerikan të Shtetit me disa pyetje pas botimit të artikullit në “Huffington Post”. Në përgjigjen e tij DASH theksoi mbështetjen për punën e ambasadës dhe reformën në drejtësi, duke thënë se të gjithë në Shqipëri kanë kërkuar përfshirjen e SHBA në këtë proces.
“Politika që SHBA ndjek në Shqipëri është të mbështesë anëtarësimin në BE dhe reformat që çojnë drejt këtij synimi. Kjo përfshin mbështetjen për reformën në drejtësi, luftën kundër korrupsionit dhe krimit të organizuar dhe ekstremizmin e dhunshëm. Ambasadori Lu dhe ekipi i tij kanë punuar prej mëse një viti në bashkëpunim me liderët në qeveri dhe parlament, opozitë dhe shoqërinë civile dhe ndërkombëtare që të miratohet dhe zbatohet një reformë të rëndësishme në drejtësi. Si qeveria ashtu dhe opozita kanë kërkuar përfshirjen SHBA në proces përfshi monitorimi e zbatimit të reformës. SHBA do të vazhdojë të deklarohet në favor të studimit të ligjit dhe reformës në drejtësi dhe kundër përpjekjeve për ta manipuluar zbatimin e saj. Siç e kemi thënë edhe më datë 3 shkurt, DASH ka besim të plotë tek ambasada jonë dhe ambasadori Lu”, thuhet në reagimin zyrtar të Departamentit Amerikan të Shtetit.
