Kryetari i Partisë Demokratike, Lulzim Basha ishte i pranishëm gjatë ditës së sotme në qytetin e Durrësit ku vizitoi zonën në të cilën po ndërtohet velieres, ku aty pranë janë zbuluar dhe rrënoja arkeologjike.
Basha tha para banorëve të Durrësit se ky projekt i dyshes Rama-Dako nuk ka për qëllim aspak interesat e qytetarëve, por interesat personale të këtyre pushtetarëve të korruptuar.
"Nuk investojnë për nevojat e qytetarëve, por po kryejnë investime për përfitime personale. Nuk investojnë në nevojat immediate të qytetit dhe qytetarëve. Durrësi po mbytet nga ndotja dhe këta ngrenë veliera. Qëllimi është të marrin gjysmat e parave për vete. Nuk investojnë në shërbimin e ujit të pijshëm. Nuk investojnë në infrastrukture por duan të shesin betonin e Vangjushit. Po varroset arkeologjia e qytetit vetëm për interesa personale", ka thene Basha.
Më tej kreu i opozitës ju ka bërë thirrje banorëve durrsakë që në 18 shkurt ti bashkohen protestës së opozitës kundër kësaj qeverie të korruptuar dhe bashkëpunëtorë të krimit.