Kryeministri Edi Rama falënderoi sot Forcat e Armatosura për shpëtimin e njerëzve të izoluar nga dëbora.
Në një postim në rrjetin social Facebook, Rama shkruan “faleminderit Forcave të Armatosura që sot përsëri u treguan në lartësinë e detyrës dhe në një operacion aspak të lehtë shpëtuan njerëz të izoluar në dëborë nga rreziku për jetën”.
Forcat e Armatosura gjenden në terren për të përballuar situatën e krijuar në vend gjatë kësaj jave nga reshjet e dëborës, që nga Malësia e Madhe, në Shkodër, Kukës e Dibër.