Paratë që përfitojnë nga paketa e solidaritetit, ku u përfshinë dhe të përmbyturin në 18 bashki ndër vite, qeveria ka vendosur t’i shpërndajë në një ceremoni të ngjashme me ato të legalizimeve falas.
Kryeministri Edi Rama ishte Fushë – Krujë, ku dha personalisht disa çeqe për përfituesit e fondit prej 4.5 milionë dollarësh, që është në total për 2498 familje në të gjithë vendin.
Rama akuzoi paraadhësit se e lanë vendin të zhytur në borxhe, mes të cilave dhe ato për familjet e përmbytura të cilët i gënjyen me premtime boshe, ndërsa nuk harron që të tregojë diferencën që ka mes qeverisë së tij dhe të gjithë qeverive të tjera në 25 vite.
Kryeministri i foli familjeve të përmbytura për të gjitha reformat që ka ndërmarrë, ndërsa iu premtoi dhe ndërtimin e rrugës së Thumanës, një nga akset më problematike të kësaj zone.