Deklarata zyrtare e Komisionit të Venecias në lidhje me ligjin e Vettingut, ka sjellë edhe reagimin e ambasadës së Shteteve të Bashkurara të Amerikës në vendin tonë.
Përmes një deklarate për shtyp, ambasada e SHBA përshëndet opinionin e Venecias për Vettingun, ku thuhet se ligji është në rregull dhe tashmë i mbetet vetëm Gjykatës Kushtetuese në dorë që të nisë zbatimi i tij.
Pikërisht për këtë fakt, ambasada e SHBA nënvizon se pret nga Kushtetuesja që të nisë të bëjë punën e saj, në mënyrë që Vettingu të nisë zbatimin sa më parë.
DEKLARATA
Ambasada e Shteteve të Bashkuara mirëpret opinionin e datës 10 dhjetor të Komisionit të Venecias mbi Ligjin shqiptar të Vetingut. Vetingu i gjykatësve do të jetë një hap kuptimplotë drejt eliminimit të korrupsionit të thellë gjyqësor në Shqipëri dhe opinioni i Komisionit të Venecias duhet t’i japë fund çdo shqetësimi legjitim lidhur me ligjin.
Presim vendimin e Gjykatës Kushtetuese mbi Ligjin e Vetingut, që ka pasoja me ndikim të gjerë për Shqipërinë dhe të ardhmen e saj.
Shtetet e Bashkuara kanë besim se Gjykata Kushtetuese do të riparojë besimin e publikut tek sistemi gjyqësor që është dëmtuar nga gjykatës dhe prokurorë të korruptuar.