Lumturimi i 38 martirëve katolikë, mbi 10 mijë pelegrinë në Shkodër

Shqipëria

Lumturimi i 38 martirëve katolikë, mbi 10 mijë pelegrinë në Shkodër

Beqir Sina Nga Beqir Sina Më 5 nëntor 2016 Në ora: 11:11
Pamje nga ceremonia

(E plotësuar) - Lumturimi i 38 martirëve të Kishës Katolike, ka mbledhur, sot të shtunën qysh herët në mëngjes në qytetin e Shkodrës, autoritete të larta të Vatikanit, autoritete shtetërore dhe përfaqësues të komuniteteve fetare në vend, dhe pelegrinë nga vende të ndryshme të botës, sidomos ata më shtegtarët nga vendet fqinjë Italia dhe Kroacia.

Ndërsa, në sheshin para Katedrales së Shën Shtjefenit po mbahet edhe mesha solemne, e cila po ndiqet nga mbi 20 mijë pelegrinë, nga Shqipëria, Kosova , Mali i Zi, shihen mes tyre edhe dhjetëra shtegtarë nga diaspora shqiptare në Europë dhe SHBA të cilët kanë udhëtuar me mijëra kliometra, që të marrin pjesë në këtë kremtim solm të Lumturimit të 38 martirëve.

Në përbërje të delegacionit të Vatikanit, janë edhe 5 Kardinalë të cilët udhëheqin edhe meshën e shejtë të Lumturimit.

Kurse, në mes klerikëve shqiptarë, bien në sy, edhe ata nga Kosova, Mali i Zi, dhe nga Shtetet e Bashkuara të Amerikës, dhe nga Arbëreshët e Italisë përfishrë, Ipveshkin e Kosovës, Dom Gjergjin, Dr. Don Lush Gjergjin, Don Anton Kcirën, Kryeipeshkvi, Rrok Gjonlleshaj, i cili është një shqiptar etnik, kryefamullitarin e Kishës Katolike Shqiptare në Nju Jork, Dom Pjetër Popaj, dhe priftin e njohur arbëresh Antonio Belushi.

Nderkaqë, në sheshin përpara Katedrales së “Shën Shtjefnit” në Shkodër, aty ky cerek shekulli më parë u mbajt mesha e parë që shënoi lirinë e fesë në Shqipërinë post komuniste, sot u zhvillua dhe procesioni i Lumturimit shoqëruar me mbajtjen e Meshës Solemne.

Mesha e shenjtë, e cila u zhvillua sot të shtunën në orën 10:00 në Katedralen e “Shën Shtjefnit”, është celebruar nga Eminenca e Tij, Kardinal Angelo Amato, Prefekti i Kongegatës së Vatikanit për Çështjet e Shenjtorëve, në bashkëkremtim me episkopatin e Shqipërisë, të Kosovës, të Malit të Zi e të Diasporës.
I cili tha se: Në martirët shqiptarë Kryqi, i ngulur nga shtrëngata komuniste, sot buloi rishtas e në rremat e tij rinisi të ndjehet ringjallja,,

"Kjo është një ditë e cila “Fletë për 38 dëshmitarë të fesë dhe kombit, që tani nuk do i përkasin vetëm Shqipërisë, por janë universalë. Ata do të lajmërojnë se shqiptarët janë një komb që kanë çfarë t’i falin Europës dhe botës” ka thënë një nga klerikët pjesmarrës në këtë procesion sot në Shkodër.

Ndërsa, Dom Pjetër Popaj, i ardhur në Shkodër me rastin e Meshës së Shenjtë,mbasi dy muaj më parë më 4 shtator mori pjesë së bashku me besimtarët e Kishës Katolike Shqiptare Zoja e Shkodrës,në Sheshin e Shën Pjetrit në kanonizimin e të Shëjtes Nëna Tereza, theksoi se me lumturimin e 38 martirëve Shqipëria rigjen identitetin e saj.

Në këto vite këtu u vendos diktatura më e egër komuniste, tha ai që nisi një sulm të pashembullt mbi çdo shprehje të fesë. Shqipëria ishte i vetmi shtet në botë që u shpall ateist. E edhe sulmi qe i përgjithshëm, pa shumë dallime, mbi katolikët, ortodoksët e myslimanët. Katolikët u vunë posaçërisht në shënjestër për shkak të përgatitjes së tyre kulturore e të identitetit të fortë fetar.

“Mendoj se kjo ditë i shërben Shqipërisë, por bëhet mbi të gjitha është një frymëmarrje për të gjitha ato toka ku ka persekutim dhe ndoshta pikërisht ky shekull i kaluar ka pasur më shumë martirë se gjithë historia e kishës”, tha ai.

Kuvendi i Shqipërisë e miratoi dje një dokument pikerisht dy ditë para Lumturimit nga Vatikani të 38 martirëve të klerit katolik shqiptar.

Kuvendi i Shqipërisë miratoi mbrëmjen e djeshme rezolutën e propozuar nga Partia Demokratike,ish kryeparlametarja e Shqipërisë zonja Jozefina Topalli. Një rezolutë kjo që dënon krimet e komunizmit ndaj klerikëve. Rezoluta shpreh mirënjohjen e veçantë për rolin dhe veprimtarinë e përfaqësuesve të klerit në mbrojtjen e vlerave demokratike dhe të drejtave e lirive themelore të njeriut. Rezoluta dënon fuqimisht regjimin totalitar komunist dhe krimet e kryera ndaj klerikëve shqiptarë.

Pra, në këtë atmosferë, Shkodra sot përkujtoi me këtë rast edhe 26-vjetorin e Meshës së parë, kremtuar më 4 nëntor, nga dom Simon Jubani në varrezat katolike të Rrëmajit.

Kur kanë kaluar 26 vite që nga ajo ditë që do të fundoste përgjithmonë ateizmin në Shqipëri. Dhe,mbi 50 mijë persona do të mblidheshin tek varrezat katolike të Rrmajit në qytetin e Shkodrës për të marrë pjesë në kremtimin e meshës së parë që nga moment i ndalimit të fesë në vitin 1967.

Më 11 nëntor 1990 qyteti i Shkodrës, do të mposhte frikën e rrezikun e komunizmit. Pas 23 vjetësh do të rihapeshin objektet e kultit për të zhvilluar ritualet përkatëse fillimisht për besimtarët e krishterë e pas 5 ditësh edhe për muslimanët.

Automatikë e mitralozë ishin vendosur kudo rreth asaj zone, ku do të mbahej mesha nga sigurimi i kohës. Të 50 mijë personat që morën pjesë asnjë prej tyre nuk e kishte jetën e sigurtë. Por mesha e mbajt, dhe do të mbeten një nga më të vyerat në kujtesën historike të kombit shqiptar.

Image

 

Nis ceremonia e lumturimit të 38 martirëve katolikë

Prej pak minutash nisi mesha për lumturimin e 38 martirëve të fesë katolike në katedralen e “Shën Shtjefnit”, në Shkodër.

Rreth 10 mijë besimtarë janë pjesëmarrës, 300 meshtarë nga trojet shqiptare, 5 kardinale nga Italia si edhe autoritete të larta të shtetit.

I dërguari i Papa Françeskut, Prefekti i Kongregatës për Cështjet e Shenjtorëve, kardinali Angelo Amato, po kremton meshën për lumnimin e 38 martirëve.

Bashkë me të edhe kardinalë të tjerë të Kishës Katolike, ardhur nga vende të ndryshme të botës, si kardinali Bagnasco, kryetar i Konferencës Ipeshkvnore të Italisë, kardinali Ranier Maria Woelki, ipeshkëv i Këlnit, kardinali Salvatore de Giorgi e kardinali Crescenzio Sepe, ipeshkvi i Napolit, por sidomos kardinali i ri shqiptar, Ernest Troshani.

Image
Sot mund të lexoni Shfletoni kopertinat