Ministri i Bujqësisë Edmond Panariti teksa ka qenë në Kukës për zgjedhjet brenda LSI ka folur për rrugën e Kombit ku ka thënë se qeveria duhet të dëgjojë shqetësimet e banorëve.
Ai ka shtuar se për çështjen e kundërshtuar të taksimit për banorët e qarkut Kukës duhet të gjendet një zgjidhje e balancuar.
Lidhur me sulmet e PD për ambasadorin Lu Panariti ka thënë se pozicionet mbeten të ndryshme por miqësia e Shqipërisë me SHBA mbetet e njëjtë.
Sa i përket zgjedhjeve dhe vetë LSI ai tha se kjo forcë politike po rritet dhe se ka ndikuar e do ndikojë për zbatimin e reformës në drejtësi.