Kandidati i Partisë Demokratike për kryetar të Bashkisë së Dibrës, Sherefedin Shehu ka vijuar takimet elektorale me banorët e fshatrave të Rreth-Kalë, Vajmëdhej dhe Reç. Shehu dëgjoi shqetësimet e banorëve të cilët u ankuan se për disa muaj me radhë kanë jetuar në errësirë pasi u është prerë energjia elektrike sepse nuk kishin mundësi të paguanin faturat. Kandidati i PD-së premtoi se do ta zgjidhte këtë problem.
“Do të ndihmoj ata persona që nuk kanë mundësi të paguajnë faturën e dritave, duke hapur një fond të veçantë në bashki”, tha Shehu. Sherefedin Shehu ka premtuar edhe përmirësim të kushteve të infrastrukturës.