Partia Socialiste mblodhi sot për herë të parë pas pushimeve grupin parlamentar. Mbledhja vjen vetëm pak orë para mbajtjes së seancës së jashtëzakonshme parlamentare, ku pritet të miratohet ligji i vetingut. Zëvendëskryeministri Niko Peleshi, në një prononcim për mediat, tha se mazhoranca ka qëndrim në unison sa i përket vendimit për votimin, dhe se pret edhe konsensusin e opozitës në orët në vijim.
“Kemi qëndrim të qartë për seancën e sotme, shpresojmë të bashkohet edhe opozita që të miratojmë ligjin e vetingut. Mazhoranca është në unison, shpresojmë ky unison të kapë edhe opozitën. Siç e dini ka pasur kontestime, vërejtje nga opozita, për ne nuk qëndrojnë. Kemi miratuar një ndryshim kushtetues që parashikon në mënyrë të pazakontë çdo detaj. Opozita pretendon se është antikushtetues, është e pabazuar por shpresoj që deri në orët e fundit të ditës t’i bashkohet konsensusit”, tha Peleshi.