Ambasadorët në Shqipëri, Donald Lu dhe Romana Vlahutin po zhvillojnë një takim me kryeparlamentarin Ilir Meta në Kryesinë e Kuvendit.
Takimi vjen vetëm një ditë para mbajtjes së seancës së jashtëzakonshme plenare, ku pritet të kalojë për miratim projektligji për Vettingun.
Më herët, paradite, kryediplomati i SHBA-ve dhe ajo e BE-së patën një takim me kreun e Partisë Demokratike, Lulzim Basha.
Po sot opozita depozitoi në Kuvend 75 amendamente për ligjin e Vettingut.
Nesër mbahet seanca për Vettingun, që ka të bëjë me krijimin e institucioneve të reja që do të jenë në krye të procesit të emërimit të gjyqtarëve dhe të prokurorëve.